فیفا نے پاکستان فٹ بال فیڈریشن پر عائد پابندیاں ختم کر دیں

 فیفا نے پاکستان فٹ بال فیڈریشن پر عائد پابندیاں ختم کر دیں. فیفا کی جانب سےچھ فروری کو عائد کردہ پابندیوں کو ختم کرتے ہوئے 2 مارچ کو پاکستان فٹبال فیڈریشن کی رکنیت باضابطہ بحال کر دی گئی ہے

اس کے نتیجے میں پاکستان اب تمام بین الاقوامی میچز کے لئے دستیاب ہے

اور رواں ماہ ایشین کپ کوالیفائر کے سلسلسلے میں اپنا گروپ میچ شام کے خلاف کھیلے گا

پاکستان کے گروپ میں شام کے علاوہ میانمار ، افغانستان بھی شامل ہیں

سال کے آخر تک پاکستان اپنے ہوم اور اوے میچز مکمل کر لے گا

پاکستان ٹیم کی کوچنگ کے لئے ماضی میں عارضی بنیاوں پر ہائر کئے جانے والے انگلش کوچ سٹیفن کونسٹنٹائن کو ایک مرتبہ پھر پاکستان ٹیم کی تربیت کرنے کے ذمہ داری دی گئی ہے

ان سے قبل پاکستان کی ٹیم کو بین الاقوامی کوچز کے علاوہ مقامی کوچز نے بھی زیر تربیت رکھا ہے

ان میں شہزاد انور اور طارق لطفی صاحب کا نام بھی قابل ذکر ہے

سٹیفن کونسٹنٹائن کے زیر تربیت پاکستان نے ورلڈ کپ کوالیفائرز میں کمبوڈیا کے خلاف کامیابی حاصل کی تھی.پاکستان ٹیم سے قبل وہ دیگر ایشیائی ممالک میں انڈیا اور نیپال, سوڈان  کی ٹیمز کی کوچنگ بھی کر چکے ہیں.سٹیفن کے لئے ایک مشکل ہدف پاکستان کی فیفا اور اے ایف سی رینکنگ کو بہتر بنانا ہے

اس وقت فیفا رینکنگ میں پاکستان مینز فٹبال ٹیم کا نمبر 197 ہے فیفا رینکنگ میں تقریباً 210 ممالک ہیں.جبکہ ویمنز ٹیم 157ویں نمبر پر ہے

مردوں کے ساتھ خواتین ٹیم کے لئے بھی بین الاقوامی فٹبال کے دروازے ایک مرتبہ پھر کھل گئے ہیں

تاہم دونوں ٹیمز کا شیڈول اب تک پی ایف ایف کی آفیشل ویب سائٹ پر شائع نہیں کیا گیا

پاکستان فٹبال فینز کے لئے یہ خبر دلچسپی سے بھرپور ہے اور امید کی جارہی ہے کہ پاکستان فٹبال ٹیم بہتر کھیل پیش کرے گی.